自閉症小朋友喺情感同社交方面本身有較弱，會出現固執、表達能力較差、日常生活容易緊張嘅情況，呢種特質會令佢哋對考試壓力感到更加敏感，容易積聚壓力。
對於自閉症小朋友嚟講，考試喺屬於額外嘅壓力同改變，有好多不確定性，自然會對佢哋情緒方面嘅影響更大，例如會覺得更加緊張、擔心改變、擔心自己做得唔好同擔心考試成績唔好而被家長責罵。
另一方面，備試同佢哋平時嘅生活常規習慣好唔同，自閉症小朋友都需要適應改變。例如平時放學返到屋企，只需做完功課就可以玩，但備試時期需要額外用多幾個鐘去溫習，導致情緒同脾氣會較差，更有可能會出現情緒爆發或衝動行為。
何雅莉醫生
Comments